اروع الأحـــــــــ‘ــ‘ــ‘ـــــــداث الي صارت لنا في المدينــ‘ــ‘ــ‘ــة !!!!

بسم الله الرحمن الرحيم

اسعد الله اوقاتكم بكل خير وصحة وعافية

اولاً احنا

أحمد
مصطفى
احمد بج
محمد
حسن

-1-
في اول يوم من المدينة اتفقنه ان كل يوم يروحون اثنين يشترون الغده
واول يوم راح احم بج ومحمد شرو الغده وجينا بنتغده الا ذكرنا ان ماعندنا صحن
قلنا يلا نعبر على الكيس نكبه وكبيناه وكلنا صرنا طاش ماطاش ذاك اليوم

-2-

زين صار الليل وطلعنا ندور ونكتشف ماحول شقتنه رحنا يم محل ودخلناهشفنه عنده صحن بثمانية ريال قلنا له غالي يقول لنا هذا ارخص صحن قلنا نروح المحل الثاني ارخص
عشان نقهراه وحنا ندور كل ماندخل محل نشوف صحن ونسألة بكم يقول بثلثين او بخمس وعشرين
قلنا لو ماخذين ذاك احسن لنا ورجعنه المحل شفناه مصكر
جاء اليوم الثاني الي هو دارنه انا ومصطفى نروح نشتري غدة قلنا مرة وحده نروح نشتري صحن
وطلعنا رحنا شرينه الصحن والغده ورجعنه الشقة وجيهنه حمررررررر خخخخخخخ

-3-
أعضــــــــــــــم الاحـــــــــداث
أنا والجـــــوال
احمد بج والبزليقة
محمد والحوسة في الشمس
علي وحميد والهيـــــــئة
الشرطي :: الحركات الحركات خف من هل الحركات
احمد بج والرجيم
احنا والغثة ويانا بشنقي وربعة
الساعة الرخيصة بـ35
المجمعات
التشيز كيك والاسكريم باسكن روبنز على حساب حسن المسكين
احمد وكان بيمشي عنه الباص في الرجعة وليش متأخر يبي يشتري كافي
احمد والطق الكل يوم على شان الغده لان دارنه انا ومصطفى يقعدنه من النوم ونقوم نكفخة
النظارة حقت احمد بج انكسرت
انا واحمد ومصطفى ومحمد والتمثيلية المستشفى
احمد والترقع في الارض >>> عور الارض براسة
احمد مر قدام واحد يصلي في الحرم وفجأة يظرب احمد بج في بطنه ويرتاع
انا وشفت الغالييين في الحرم

-4-
يوم الثالث تقريباً لنا في المدينة رحنا حق ناس نعرفهم وواحد مهم صايره له سالفة
طايح جواله في المرحاض...وجاء اليوم الثاني احنا رحنا الحرم وما توضينه رحنا الحمامات
دخلنا كلنا الحمام انا دخلت الحمام وانا خايف ان يطيح جوالي مثل ماصار حق الشباب وكان في الحمام
رف حديد بس مايل اشوي قلت احط البوك والجوال عليه بس خفت يطيحون ماحطيتهم المهم قعدنا...
ومصطفى دخل الحمام وهو خايف مثلي تماماً بس اهو طلع البوك والجوال وحطهم على الرف
وانا قضيت الحاجة وخلصت ...والبقية خلصوا من زمان وقاعدين ينتظروني بره
والافجأة وانا بقوم والا انضغط الجوال في مخباي واقوم وينبل من مخباي
وانا اطالعه خايف ومومصدق طاح على الارض وبعدين تدحرج
الى وسط المرحاض وقفت تقريباً 10ثواني اطالعه مومصدق
الي صار من خوفي طلعته بيدي واسغفر الله لوعة كبد
وقعدت انظفة بالماي والشباب بره ينتظروني
يحسبون اني قاعد افضي وبعدين طلعت
لهم وانا حزين ومنهد حيلي وفيني
الصيحةوبعدين رجعنا الشقة
ودخلت الحمام اسبح
وسبحت الجوال
معاااااي
..
.

-5-
كنا في الحرم في ساعة الفجر وفجأة قام يأذن للصلاة وحنا خفنه يخلونه نصلي وياهم
قلنا خل نمشي احسن لنا وحنا نطلع شفنا الهيئة ويمها سيارة شرطة وانحشنة
ورحنا من بوابة ثانية وطلعنا فرحانين ..وحنا في الطريق نشوف ناس
يروحون الحرم وكل مانمر يم واحد يقول لنا الصلاة ياشباب وحنا
نتوهق وكان مصطفى خايف ازيد واحد يقول لنا خلنرجع
ونسوي روحنا بنرجع نروح الحرم ننتظر اشوي
ونلف واحمد بج صاير قوي يسوي روحة
مب خايف من الهيئة يفكرهم لعبة
وبس اذا مسكوك تخسر خخ
ورحنا مكان وسيع وهو مواقف باصات
وفاضي يعني نبين فيه وفجأة نشوف سيارة الهيئة
من ورانة واحنا قمنا نركض الا الفارس الشجاع احمد بج
وبعدين خطرنا الشارع ودخلنا فريجنا الحمدلله بس
بعدنه خايفين ورحنا نركض للشقة
وبعدين وصلنا والحمدلله
وصلينه ورجعنه
الحرم
.

وهناك العديد من السوالف ماتنتهي بسهولة
انشاء الله استمتعتوا معنا في هذي القصص
ارجو ان تنال اعجابكم
والسلام خير الختام

هههههههههههههههههههه

الفارس الشجاع احمد وسالفت جوالكـ

تفطس من الظحكـ ..

بس والله عليكم احداث مو صاحيهـ

ههههههههه

بس ابي اسمع احداث المستشفى

ويعطيكـ ربي الف عافية على الابداع والتميز الاكثر من رائع..

وواصل ابداعكـ يا مديرنا..

تحياتي لكـ ياسين..

يعطيكم الف عافية على التعليق والمرور الرائع